出軌出到自己好後悔嘅經歷

我今年35歲，有一個5歲嘅仔，離婚連仔都畀左前夫。 我同老公都係大學畢業，大學相識，一齊溫一齊考，一齊進入社會。 我同佢25歲結婚，生活過得一直都好好。 彼此經濟都好獨立，都好尊重對方。

差唔多2年前，我同我嘅同事搞埋一齊。 起因係，我參加左同事搞嘅生日派對，果晚我哋玩得好埋，玩好多飲酒嘅遊戲，嗰時我覺得佢望我嘅眼神唔一樣，玩遊戲又借機摸我隻手。 果晚玩得好high，我同佢就去左酒店開房。 第二日嘅時候我冇覺得有幾後悔，只係覺得好新鮮。 都冇諗其他嘅，就覺得生米煮成熟飯，好自然咁走埋一齊。 我對嗰個同事冇幾多感情，我可能只係覺得無聊，都冇諗過同老公離婚。

我地兩個偷偷摸摸一齊左一年幾，我實在覺得有些厭，就好想結束呢段關係。 佢唔肯，鬧得好犀利，唔捨得同我分手。 我驚搞大件事，唯有再畀三個月佢，希望佢可以喺呢段時間度整理自己，爭取佢放我走。

呢3個月，我過得好焦急，我希望時間過得快d，會想返去快啲可以同老公生第二胎。 後來諗，就係因為果段時間好夜返屋企，畀老公發現唔妥。 我都無法解釋去邊到，只能講有事出去，搵各種理由塞住佢。 果段時間我好害怕，驚老公知道。 我同果個同事提出分手，但係佢最鍾意扮可憐，我於心不忍夜晚會手機同佢聯絡，我一直求佢放過我。 但都唔成功，仲畀老公發現左。 當老公攞住手機質問我果陣時，我都唔知佢點搵到嗰個手機嘅，而且日日都會刪除聊天記錄。 本來我仲狡辯老公誤會我，當佢攞出我同果個同事嘅合照時，我唯有全部認哂。 果日我哋冇嗌交，老公喺客廳煙駁煙，我喺房度一直喊，我好自責。 我覺得自己污糟邋遢，好對唔住老公。 冷靜左幾日後，我老公提出離婚，要求我自己一個離開。我果時候，寧願希望老公打我鬧我，我都仲可以求下佢，可惜佢乜都冇做，直接判刑。 我地離左婚。雖然唔捨得，但已經無得選擇，無路可走。依家我每日都後悔，想復婚，卻冇臉見佢。